Sabbin ministocin sun hada da: na yada labarai da kayakin more rayuwa, da na kudi da harkokin tattalin arziki, da na aikin gona, da na harkokin waje, da minista mai kula da filaye da gwamnatin yankuna, da na cinikayya, sai na matasa da wasanni da kuma na lafiya da walwalar jama'a.
A jawabinsa, shugaba Adama Barrow, ya ce sabuwar Gambia na bukatar su bi kyakkyawar hanyar hidimtawa kasa. Ya ce la'akari da kalubalen da suke fuskanta, ba zai yiwuwa kasar ta rika tafiyar hawainiya ba, maimakon hakan, kamata ya yi su yunkura tare cikin kuzari da himma. (Fa'iza Mustapha)
