Kamfanin dillancin labarai na Anadolu ya rawaito mataimakin firaiministan Turkiyya Recep Akdag na cewa, adadin wadanda suka mutu bayan da wani jirgin kasa ya kauce hanya a arewa maso yammacin kasar ya karu zuwa 24.

Tun da farko rahotanni sunce mutane 10 ne suka mutu wasu 73 kuma suka samu raunuka a lokacin da jirgin kasan dauke da fasinjoji ya kauce hanya a lardin Tekirdag dake arewa maso yammacin kasar.