Yau Litinin, mai magana da yawun ma'aikatar harkokin wajen kasar Sin, Lu Kang ya bayyana cewa, kasarsa za ta ci gaba da nuna cikakken goyon-baya ga daidaita dangantaka tsakanin Koriya ta Arewa da ta Kudu, tana kuma fatan kasashen duniya za su kara ba su kwarin-gwiwa.

Rahotanni na cewa, a kwanakin nan, Koriya ta Arewa da ta Kudu na ci gaba da yin mu'amala da juna. Game da haka, Lu Kang ya ce, kasar Sin na matukar farin-cikin ganin cewa, bangarorin biyu na kara tuntubar juna da cimma matsaya daya kan karin fannoni.(Murtala Zhang)