Firaministan Jordan Omar Razzaz, ya kaddamar da wani gangami jiya Lahadi a fadin kasar, da nufin samar da taimako ga al'ummar Syria dake gudun hijira a cikin kasarsu.

Wani jawabi da aka wallafa a shafinsa na Twitter na cewa, gangamin na da nufin rage walhalhalun jama'ar Syria tare da kai dauki ga wadanda ke bukata.

Firaministan ya ce, suna sanar da fara gangamin samar da agaji domin taimakawa jama'ar Syria dake cikin Syrian, domin rage wahalar da suke ciki, yana mai cewa, za a mika taimakon ne ta hannu gidauniyar Hashemite ta kasar Jordan.

Har ila yau, wani jami'in gwamnatin Jordan ya shaidawa kamfanin dillancin labarai na Xinhua a jiyan cewa, manyan motocin dakon kaya 17 na kasar, dake shake da kayayyakin agaji, sun shiga yankunan Syria, inda aka kai su ga al'ummar kasar dake yankin kan iyakar Jordan, wadanda rikici a yankin kudancin Syria ya tilasta musu tserewa daga matsugunansu

Wata majiya ta kara da cewa, dakarun Jordan na sanya ido kan aikin rabon kayayyakin, bayan sun tuntubi bangarori masu yaki tare da cimma yarjejeniyar tsagaita bude wuta domin kai kayayyakin agajin.(Fa'iza Mustapha)