Shugaban kasar Amurka Donald Trump ya ba da wani umurni a jiya, inda ya nemi hukumar tsaron kasar da ta kafa rundunarta ta shida wato sabon nau'i na rundunar tsaron sararin samaniya.
Yanzu haka kasar Amurka na da nau'o'in rundunar soja guda biyar wato rundunar sojin kasa, da rundunar sojin sama, da ta sojin ruwa, da rundunar Marine Corps da kuma rundunar tsaron iyakar teku.
A cewar Trump, kamar yadda kasa ne, sama da teku suke, sararin samaniya ma na iya zama fagen yaki. Shawararsa ta sami amincewa daga wasu 'yan majalisar dokokin kasar, sai dai wasu sun nuna shakku ga lamarin.
Trump ya kara da cewa, Amurka na bukatar rike jagorancin harkokin sararin samaniya domin kiyaye tsaronta. (Amina Xu)