Sanarwar da kakakinsa Stephane Dujarric ya yi a jiya, ta ruwaito Antonio Guteres na cewa, ya kamata a mutunta hakkin 'yan gudun hijira da 'yan cin rani, tare da daidaita matsalolinsu bisa dokar kasa da kasa. Ya kara da cewa, kada a wahalar da zuciyar yara saboda tilasta raba su da iyayensu, kuma kamata ya yi a kiyaye hadewar iyalansu.
A wani taron manema labarai da ya gudana a jiyan, Dujarric ya ce, Guterres ya bayyana matsayinsa ne bai wai yana nuna yatsa ga wata kasa ba, yana mai cewa Sakatare Janar din ya damu matuka da rikicin daya faru a iyakar Amurka da Mexico.
Rahotanni na cewa, cikin makonni 6 da suka gabata, an tilasta raba yara kimanin 2000 da iyayensu dake tsallakawa ba bisa ka'ida ba daga Mexico zuwa Amurka. (Amina Xu)
