Kamfanin kirar jiragen sama na kasar Sin AVIC ya bayyana cewa, jiragen sama samfurin LE500 kirar kasar Sin, sun kammala wani gwaji a Afirka ta kudu, wanda hakan ke nuni da fara shigar jiragen sama kirar Sin cikin kasuwannin nahiyar Afirka a karon farko.

A cewar AVIC, jiragen biyu sun kammala gwajin da aka yi masu cikin nasara, a wata makarantar horas da matuka jiragen sama dake Afirka ta kudu.

Don haka, nan ba da dadewa za a fara amfani da samfurin jiragen a makarantun horas da matuka jiragen sama, da ma sauran harkoki na sufurin fasinjoji a nahiyar.

Wannan ne dai karon farko da wani samfurin jirgin sama kirar kasar Sin ya shiga kasuwannin Afirka.