Shugaban kasar Sin Xi Jinping ya bayyana a yau Lahadi cewa, domin raya makomar bil'adama ta bai daya ta kungiyar SCO, nan da shekaru uku masu zuwa, kasar Sin za ta horas da ma'aikata masu kiyaye doka da oda dubu biyu, da horas da mutane dubu uku kan ilimin daukar ma'aikata ga kasashe membobin kungiyar SCO, da kuma goyon-bayan gina yankin gwaji na hadin-gwiwar tattalin arziki da cinikayya tsakanin Sin da kungiyar SCO a birnin Qingdao, da kafa kwamitin kula da dokoki na Sin da SCO. Haka kuma, kasar Sin za ta bada rancen kudi da ya kai Yuan biliyan 30 a karkashin tsarin gamayyar bankuna na kungiyar SCO, a wani kokari na samar da hidimar hasashen yanayi ga bangarori daban-daban.(Murtala Zhang)