Kwamitin kula da manufofin kudi na Babban bankin kasar Ghana, ya sanar da matakinsa na rage adadin da ya kayyade na manufarsa kan kudin ruwa da maki 100, kwatankwacin kaso 17, bayan ya rage da kaso 18 a watan Maris.

Gwamnan bankin Ernest Addison, ya alakanta matakin da bukatar daidaita rage hadarin faduwar darajar kudin kasar da hauhawar farashin kayayyaki da kuma bukatar habaka ci gaban tattalin arziki.

A cewarsa, an rage hadarin faduwar darajar kudi da hauhauwar farashin kayayyakin a cikin lokacin da aka yi hasashe, yana mai cewa, yayin da ci gaban tattalin arzikin kasar da na duniya ba sa barazanar ga darajar kudi da hauhawar farashi a nan kusa, akwai bukatar sanya ido kan sauye-sauyen da aka samu a baya-bayan nan game da sharudan harkokin kudi da kuma tasirinsa kan rukunin kasuwar kadarori. (Fa'iza Mustapha)