An kammala bikin baje kolin al'adu na kasar Sin karo na 14, jiya Litinin a birnin Shenzhen dake kudancin kasar, inda bikin na wannan karon, ya samu halartar baki da dama fiye da na bara.
A cewar mashirya bikin, 'yan kasuwa baki 21,386 daga kasashe da yankuna 101, adadin da ya zarce na shekarar 2017.
Bikin na kwanaki 5 ya mai da hankali kan sakamakon da aka samu cikin shekaru 40 da suka gabata wato tun bayan da aka fara aiwatar da manufar bude kofa da gyaran fuska a kasar Sin, da sakamakon da aka samu bayan aiwatar da shawarar ziri daya da hanya daya.
Filin bikin da ya mamaye muraba'in mita 105,000 ya kunshi manyan rumfuna 9 da suka mayar da hankali kan sutura da fina-finai da wallafe wallafe da al'adun gargajiya. (Fa'iza Mustapha)
