Yanzu haka shirye-shirye sun kammala, na gwajin wani sabon jirgin ruwan dakon jiragen sama irin sa na farko da aka kera a kasar Sin, inda ake fatan da safiyar Lahadin nan, jirgin ya tashi daga tashar ruwa ta Dalian a lardin Liaoning, dake arewa maso gabashin kasar don fara aikin gwajin. Jirgin dai shi ne irin sa na biyu da kasar Sin ta mallaka.
Ana sa ran za a yi gwajin juriyar jirgin ta fuskar makamashin da yake amfani da shi, da sauran kayan ayyukan sa fannin na'urori da dai sauran su.
An kammala aikin kera jirgin ne tun fara aiki a watan Afrilun shekarar bara, an kuma kammala gwaje gwajen kayan aikinsa, da na tsarin gudanar da ayyukansa. An kuma gama duk wasu ayyuka da suka shafi yadda za a rika turke jirgin, duka dai da nufin tabbatar da nasarar gwajin da za a yi da shi a kan teku. (Saminu Hassan)
