Yau Asabar, a birnin Guangzhou, aka rufe bikin baje-kolin kayayyakin da ake shige da fice da su na kasar Sin karo na 123, ko kuma Canton Fair a takaice. Zuwa ranar 3 ga wata, akwai jimilar 'yan kasuwa 203346 daga kasashe da yankuna 214 wadanda suka halarci bikin, adadin da ya kai matsayin koli a tarihi. Kana, jimillar kudin kayayyakin da aka fitar da su zuwa kasashen waje ta zarce dala biliyan talatin, wadda ita ma ta kai matsayin koli na bikin na lokacin bazara a cikin shekaru hudun da suka shige.(Murtala Zhang)