in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Ci gaban tattalin arzikin kasar Sin abun al'ajabi ne, in ji Warren Buffett
2018-05-05 15:54:39 cri
Wani shahararren dan kasuwar Amurka, Warren Buffett, ya ce ci gaban tattalin arzikin kasar Sin a shekarun baya-bayan nan, ya zama tamkar abun al'ajabi, ya na mai cewa kamfanoninsa za su fadada zuba jari a kasar. Dan kasuwar ya bayyana haka ne a wajen taron dandalin tattaunawa tsakanin masu zuba jari na Sin da Amurka, wanda aka yi a birnin Omaha na jihar Nebraskar Amurka,

Warren Buffett ya ce, wani muhimmin dalilin da ya sa tattalin arzikin kasar Sin ya habaka shi ne, kara karfafa gwiwar jama'ar kasar da gwamnati ke yi wajen yin kirkire-kirkire. Mista Buffett yana ganin cewa, idan wata kasa na son samun ci gaba, to ya kamata ta koyi darasin kasar Sin na baiwa al'ummarta kwarin-gwiwar yin kirkire-kirkire. Ya kuma ce, al'ummar kasar Sin na da basirar da Allah ya huwace musu, a don haka, dole tattalin arzikin kasar ya fuskanci kyakkyawar makoma.

Har wa yau, Warren Buffett ya ce, kamfanoninsa za su habaka zuba jari a kasashe irin Sin, wadanda ke da kyakkyawar makomar tattalin arziki.(Murtala Zhang)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China