in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Yawan GDP na kasar Sin a rubu'in farko na bana ya karu da kashi 6.8 bisa dari
2018-04-17 13:41:57 cri
Alkaluman da hukumar kididdiga ta kasar Sin ta bayar a yau Talata, sun nuna cewa, a rubu'in farkon shekarar da muke ciki, yawan GDP da kasar Sin ta samu ya kai kudin Sin Yuan triliyan 19.8, wanda ya karu da kashi 6.8 bisa dari na makamancin lokacin a bara.

Mai magana da yawun hukumar kididdiga ta kasar Sin, Xing Zhihong ya ce, daga watan Janairu zuwa Maris din bana, ayyukan gona na kasar Sin sun samu habaka sosai, kuma yawan naman dabbobin gida ciki har da naman saniya da rago da aka sarrafa ya zarce ton miliyan 23, wanda ya karu da kashi 1.8 bisa dari na makamancin lokacin a bara. Har wa yau, ayyukan masana'antu su ma sun bunkasa yadda ya kamata. A waje daya kuma, harkokin bada hidima na kasar Sin sun samu ci gaba cikin sauri, inda ma'aunin ayyukan kamfanonin bada hidima na kasar ya karu da kashi 8.1 cikin dari bisa makamancin lokacin a bara.

Mista Xing ya ce, a takaice dai, daga watan farko zuwa na uku na bana, tattalin arzikin kasar Sin ya samu bunkasa ta hanyar da ta dace kuma yadda ya kamata, kana, ana kara samun wasu abubuwan da suka taimaka ga habakar tattalin arzikin kasar, abun da ya gina ingantaccen tubali ga ci gaban tattalin arzikin kasar Sin a bana. (Murtala Zhang)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China