Ranar 1 ga watan Afrilu aka cika shekara guda da kafa sabon yankin Xiong'an, inda aka samu babban ci gaba a fannonin gina ayyukan more rayuwa, da samar da aikin yi da sauransu. Shugaban kwalejin nazarin kwaskwarima da ci gaba na kasar Sin dake lardin Hainan Chi Fulin ya bayyana cewa, kafuwar yankin ta bude sabon shafin samun bunkasuwa tare a yankunan Beijing, Tianjin da Hebei.

Mr Chi ya bayyana cewa, wannan mafari ne da ya kasance daga tsara tsare-tsare zuwa aiwatar da tsare-tsaren a dukkan fannoni. A ganinsa, a shekarar 2018, za a kafa sabon tsarin samun bunkasuwa tare a yankin Beijing, Tianjin da Hebei bisa aikin sa kaimi ga raya yankin Xiong'an. (Zainab)