Shugaban kasar Koriya ta Arewa Kim Jong-un ya gana da membobin tawagar musamman ta kasar Koriya ta Kudu jiya Litinin, inda tawagar ta bayyanawa Kim Jong-un niyyar takwaransa na Koriya ta Kudu Moon Jae-in, na gudanar da shawarwari tsakaninsu. Bangarorin biyu sun kuma yi musanyar ra'ayi, gami da cimma matsaya mai gamsarwa.
An ce, Kim Jong-un ya kuma bukaci da a shirya shawarwarin ba tare da bata lokaci ba. Shugaban tawagar Koriya ta Kudu, Chung Eui-yong, ya gabatar da wasikar da Moon Jae-in ya rubutawa Kim Jong-un.(Murtala Zhang)