in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
MDD: Yaro daya cikin 4 a kasar Iraki yana fama da talauci
2018-02-12 11:38:46 cri

Asusun tallafawa kanana yara na MDD (UNICEF) a takaice ya sanar da cewa, tun bayan da aka kaddamar da yaki kan mayakan IS a kasar Syria, yaro daya cikin yara hudu a kasar Iraki yana fama da talauci.

Wata sanarwa da asusun na UNICEF ya fitar a jiya Lahadi ya bayyana cewa, duk da cewa, an samu kwanciyar hankali a kasar ta Iraki, amma tasirin rikicin ya shafi miliyoyin mutane a sassan kasar daban-daban, inda daya cikin hudu na yaran kasar ke rayuwa cikin kangin talauci, lamarin da ya cusa iyalai daukar wasu matakai masu tsauri domin su rayu.

A don haka, asusun ya bukaci kasashen duniya da su ba da gudummawa wajen sake gina muhimman kayayyakin more rayuwa da kuma taimakawa yaran dake cikin mawuyacin hali a kasar ta Iraki.

Sanarwar asusun na zuwa ne kwana guda kafin taron kasashe da kungiyoyin dake ba da gudummawa na kasa da kasa da za a kira a Kuwait daga yau Litinin zuwa ranar 14 ga wata, inda ake sa ran za a sanar da gudummawar kudaden sake gina kasar ta Iraki.(Ibrahim)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China