in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
AU: Ayyukan rashawa zasu iya haifar da hasarar dala biliyan 100 ga Afrika a duk shekara
2018-01-28 13:59:27 cri
Wani kwararren masanin Afrika ya bayyana cewa, kasashen Afrika suna iya tafka hasarar dalar Amurka biliyan 100 a duk shekara a sanadiyyar ayyukan da suka jibinci rashawa.

Da yake jawabi a lokacin taron kolin kungiyar tarayyar Afrika karo na 30 a Addis Ababa, babban birin kasar Habasha, Emmanuel Nnadozie, babban sakataren gidauniyar bunkasa cigaban kasashen Afrika (ACBF), yace adadin kudaden da nahiyar ke tafka hasararsu a sakamakon ayyukan rashawa yana matukar gurgunta cigaban nahiyar.

A halin yanzu, binciken da gidauniyar ACBF ta gudanar ta gano Afrika na yin hasarar akalla dala biliyan 50 a duk shekara a sanadiyyar ayyukan da suka shafi rashawa, sai dai Nnadozie ya lura cewa, mafi yawan kudaden dake salwanta daga Afrika a sanadiyyar ayyukan rashawar ana adana su ne a kasashen da bana Afrikan ba, lamarin da ke haifar da koma baya ga nahiyar.

Nnadozie yace matsalar rashawa al'amari ne da ya shafi dukkan duniya baki daya, ba wai matsala ce data shafi iya Afrika ba, ko ina ka zagaya a duniya akwai matsalar rashawa, don haka batun magance rashawa a Afrika, al'amari ne dake bukatar goyon bayan kasa da kasa.

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China