Sani Usman, kakakin rundunar sojin Najeriya ya ce, sun yi nasarar damke wani da ake zargin kwamandan kungiyar ne a ranar Talata, a lokacin da dakarun suka karade wasu kauyuka a arewacin kasar dake makwabtaka da dajin Sambisa, wanda ya taba zama babban sansanin horas da mayakan Boko Haram a Borno.
Usman ya ce, kwamandan kungiyar da suka cafke mai suna Amman Judee, yana fuskantar tuhuma a halin yanzu.
Ko a karshen makon jiya ma, sojojin Najeriyar sun hallaka mayakan Boko Haram 14 a jahar Borno a wani samame da rundunar ta kaddamar.
Dakarun Najeriya sun yi nasarar karya lagon mayakan 'yan ta'adda na Boko Haram, kana sun fantsama mayakan daga babbar maboyarsu dake dajin Sambisa tun a farkon wannan shekara. (Ahmad Fagam)
