Sarkin Morocco Muhammad VI ya shaidawa taron cewa, a galibin wasanni, 'yan wasan Afrika sun fi na ko ina a duniya, inda suke kara burgewa da sabbin nasarori da kwazo.
Sarkin ya ce duk da haka, bai kamata wadannan nasarori su hana ganin gaskiyar al'amari ba, yana mai cewa filayen wasannin a kasashen Afrika na cikin mawuyacin hali.
Ya ce za a iya shawo kan wannan matsala ne kadai, idan aka dauki tartibiyar dabara da za ta dace da yanayin wasannin a fadin duniya.
Ya ce dole ne dabarar ta kasance bisa kyakkyawan kudurin shugabanci da inganta kwarewar 'yan wasa tare da ba su horo bisa tsari na zamani da samar da kayayyakin wasa. (Fa'iza Mustapha)
