Jiya Talata ne, sakataren harkokin wajen kasar Amurka, Rex Tillerson, ya sanar da korar wasu ma'aikatan diflomasiyyar kasar Cuba guda 15 daga Amurka, don mayar da martani ga rashin lafiyar da wasu ma'aikatan ofishin jakadancin Amurka dake Cuba ke fama da shi.

A cikin wata sanarwar da aka fitar, Tillerson ya ce, Amurka ta yanke wannan shawara ce saboda kasar Cuba ta kasa daukar matakan da suka dace wajen kare lafiyar jami'an diflomasiyyar Amurka dake aiki a kasarta. Amma Tillerson ya yi nuni da cewa, Amurka za ta ci gaba da kiyaye huldar jakadanci dake tsakaninta da Cuba, kana, za ta ci gaba da hada kai tare da Cuba domin gudanar da bincike kan wannan batu.

Tuni a ranar 29 ga watan Satumba ne, Rex Tillerson ya sanar da cewa, sakamakon rashin lafiyar da wasu ma'aikata 21 a ofishin jakadancin Amurka dake Cuba suke ce suna fama ita, Amurka ta yanke shawarar janye wasu ma'aikatan da ba su zama wajibi da kuma dangoginsu.(Murtala Zhang)