in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Ghana ta ayyana dokar ta baci kan kamu kifi da ya sabawa doka
2017-09-29 09:23:46 cri
Gwamnatin kasar Ghana ta ayyana dokar ta baci kan duk wani nau'i na kamun kifi ba bisa ka'ida ba a kasar.

Babban minista Yaw Osafo Maafo, ya shaidawa kamfanin dillancin labarai na kasar cewa, an bukaci hukumomin tsaro su tabbatar da aiwatar da kunshin dokar.

Da yake jawabi ga wani taro kan harkokin kiwon kifi da yankunan ruwa a birnin Accra, Yaw Maafo ya ce illar da kamun kifi ta haramtacciyar hanya ke yi wa sana'ar kifi a Ghana, ya zarce wanda hakar ma'adinai ba bisa ka'ida ba ke yi koguna da dazuka da gonaki.

Ya ce an dade ana jadadda bukatar mutane su yi biyayya ga dokokin da suka shafi kiwo da kamun kifi bisa radin kansu, sai dai abun takaici shi ne, yadda galibin masu sana'ar suka gaza amsa kiran, al'amarin da ya ba haramtattun hanyoyin kamun kifi da mummunan tasirinsa ga kiwon lafiya da tattalin arziki wajen zama. (Fa'iza Mustapha)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China