in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Kamfanonin samar da hidima ta yanar gizo a Sin sun kara tsaurara matakansu na tsaro
2017-09-25 10:56:25 cri
Rahotanni daga kasar Sin na cewa, manyan kamfanoni guda 10 na kasar wadanda ke sahun gaba a fannin samar da hidima ta yanar gizo sun kara inganta manufofinsu na tsaron bayanan abokan hulda.

Wadannan manyan kamfanoni sun hada da manhajar aikewa da sakonnin sada zumunta Wechat, Weibo mai kama da Twitter, da kamfanonin cinikayya ta yanar gizo na Taobao da Jingdong, kamfanin motocin hayar taksi na Didi da taswirar nan ta Baidu.

A jiya ne hukumar kula da harkokin sararin samaniya ta majalisar zartaswar kasar Sin, da ma'aikatar kula da masana'antu da bayanan kimiya, ma'aikatar tsaron jama'a da ingancin kayayyaki suka sanar da sabon sakamakon game da manufofin tsaron wadannan kamfanoni.

A karshen watan Yuli ne hukumomi suka kaddamar da bincike kan ayyukan kamfanonin, ta yadda za su kara inganta manufofinsu na tsaro. Mahukuntan kasar Sin na fatan kamfanonin za su ci gaba da inganta manufofinsu na tsaro, yayin da a hannu guda gwamnati za ta rika gudanar da bincike a kai a kai don tabbatar da cewa, suna tafiyar da harkokinsu kamar yadda doka ta tanada. (Ibrahim Yaya)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China