A ranar 18 ga wata, rundunar 'yan sanda ta yankin Catalonia mai cin gashin kansa ta sanar da cewa, a halin yanzu, ana neman mutane guda uku da ake zargin suna da hannu a hare-haren ta'addanci da aka kai a birnin Bacerona da garin Cambrils na kasar Spaniya, kuma ta riga ta tabbatar da asalinsu.
Shugaban ofishin 'yan sandan na yankin Catalonia mai cin gashin kansa ya bayyana cewa, wata kungiyar ta'addanci dake kunshe da mambobi guda 12 ne ta kaddamar da hare-haren ta'addancin biyu, an riga an kashe mutane 5 daga cikinsu, yayin da aka kama mutane 4 'yan wannan kungiya, kuma an tabbatar da asalin wadanda mutane da ba'a kama su ba a halin yanzu. Mai iyuwa ne, mutane 2 daga cikin wadannan ba a kama su ba sun riga sun rasa rayukansu sakamakon fashewar boma-bomai a wani gini na garin Alcanar dake kusa da birnin Bacerona. (Maryam)
