Rahotanni daga kasar Venezula na cewa, kimanin fursunoni 37 ne suka mutu sakamakon wani bore da ya barke a wani gidan kaso a jihar Amazons dake kudancin kasar, kamar yadda babban mai gabatar da kara na kasar ya wallafa a shafinsa na yanar gizo.

Jami'an kasar na cewa, fursunonin sun mutu ne sakamakon arangamar da ta kaure tsakanin fursunoni da jami'an 'yan sanda, lamarin da ya yi sanadin jikkatar jami'an gidan yarin 14.

Mahukunta dai na gudanar da bincike don gano musabbabin aukuwar tashin hankalin. (Ibrahim Yaya)