in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Palasdinawa sun yi Allah wadai da shirin Isra'ila na gina sabbin matsugunan Yahudawa a yammacin kogin Jordan
2017-08-04 10:39:19 cri
Mai magana da yawun hukumar Palasdinawa Abu Rudeinah, ya yi allah wadai da matakin firaministan Isra'ila Benjamin Netanyahu na aza harhashin gina matsugunan Yahudawa sama da 1,000 a Beitar Illit dake kudancin Bethlehem a yammacin kogin Jordan.

Kakakin Palasdinawan ya bayyana hakan ne cikin wata sanarwa, don mayar da martini ga kalaman da aka ruwaito Netanyahu na cewa, wai yammacin kogin Jordan da gabashin birnin Kudus bangaren Isra'ila ne, yana mai cewa, matsugunan Yahudawa da Isra'ila take ginawa a yammacin birnin Kudus sun sabawa doka, kana yammacin kogin Jordan da zirin Gaza, dukkansu yankunan Palasdinawa ne.

A don haka, kakakin hukumar Palasdinawan ya yi kira ga mahukuntan Isra'ila da su hanzarta dakatar da gine-ginen, wadanda ya ce suna iya wargaga kokarin da ake yi na warware wannan matsala ta hanyar kafa kasashe biyu. Ya kuma yi kira ga kasashen duniya, musamman Amurka da ta sanya baki, kana ta dakatar da matakin Isra'ila na gina matsugunnan Yahudawa, yana mai gargadin cewa, matakin Isra'ilan na iya haifar da mummunan sakamako. (Ibrahim Yaya)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China