in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Amurka ta kakabawa shugaban Venezuela takunkumi
2017-08-01 10:16:06 cri
A jiya ne, gwamnatin Amurka ta kakabawa shugaban kasar Venezuela Nicolas Maduro takunkumi, bayan da a ranar Lahadi Venezuelan ta gudanar da zaben 'yan majalisar dokokin da ake fatan za su yiwa kundin tsarin mulkin kasar gyaran fuska.

Wata sanarwa da sakataren baitulmalin Amurka Steven Mnuchin ya raba wa manema labarai ta bayyana cewa, takunkumin da Amurka ta kakabawa shugaba Maduro ya bayyana adawar da Amurka ke nuna wa kararawa kan manufofin gwamnatinsa.

A don haka sanarwa ta yi gargadin cewa, duk wanda ya goyi bayan kafa majalisar dokokin, zai iya fuskantar takunkumi daga gwamnatin Amurka a nan gaba.

Takunkumin dai ya shafi kwace dukkan kadarorin Nicolas Maduro, an kuma haramtawa Amurkawa yin mu'amula da shi.

Sai dai kuma, shugaba Maduro ya fito a jiya Litinin, yana watsi da takunkumin na kasar Amurka, ya ce, yana alfahari, ganin yadda Amurka ke hakonsa. (Ibrahim)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China