Kwamitin kula da kayayakin tarihi na kungiyar kula da Ilimi, kimiya da al'adu ta MDD(UNESCO) ya yanke shawarar fitar da filin shakatawa na Comoe dake kasar Cote d'Ivoire daga jerin sunayen kayayyakin tarihi dake bakin karewa na duniya, bayan da aka shafe shekaru 14 ana kiyayen shi.

Mambobin kwamitin sun dauki wannan mataki ne yayin taronsu na 41 da ya gudana tsakanin ranakun 2 zuwa 12 ga watan Yulin wannan shekara.

Filin shakatawa na Comoe wanda aka kafa a shekarar 1968, yana daga cikin manyan wuraren shakatawa da suka yi suna a fannin nau'o'in tsire-tsire da dama a yammacin Afirka. Ko da yake filin ya fuskanci wasu matsaloli sakamakon na farauta, da gobara, da yadda wasu ke noma a cikinsa.

UNECSO ta ce yanzu haka wasu dabbobi kamar giwaye da gwaggwan birrai na kokarin bacewa a wurin, don haka ta ce tana shirin sanar da kasashen duniya barazanar da irin wadannan wuraren tarihi ke fuskanta don daukar matakan kare su. (Ibrahim)