in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Masu zanga-zanga sun yi arangama da 'yan sandan a London
2017-06-26 13:32:35 cri
A karshen makon da ya gabata, an yi zanga-zanga a birnin London na Birtaniya, sakamakon mutuwar wani saurayi bakar fata, wanda wani dan sanda ya kashe shi a kwanakin baya. Sai dai zanga-zangar ta rikide zuwa tarzoma, inda masu zanga-zangar suka kunna wuta, tare da jifan 'yan sanda da duwatsu, kamar yadda gidan telabijin na Sky tv ya ba da labari da safiyar ranar Litinin bisa agogon wurin.

Saurayin da aka kashe mai suna Edir Frederico Da Costa na da shekaru 25 da haihuwa. A ranar 15 ga watan Yunin da muke ciki ne kuma, 'yan sanda sun tare motarsa a unguwar Newham dake gabashin birnin London, sa'an nan sun ba shi kashi, tare da fesa masa hayaki mai sa hawaye. Daga baya matashin ya rasu kwanaki 6 bayan an kai shi asibiti.

A wajen tarzomar da aka yi a karshen makon da ya gabata, 'yan kwana-kwana sun yi kokarin kashe wutar da masu zanga-zangar suka kunna da taimakon 'yan sanda.

A cewar jami'an 'yan sandan kasar, ba a kama kowa ba ya zuwa yanzu, sai dai wasu 'yan sanda dake bakin aiki yayin tarzomar sun ji raunuka sakamakon arangamar da ta auku. (Bello Wang)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China