Rahotanni daga kasar Zambia na nuna cewa, nan da shekaru biyu masu zuwa kasar tana shirin zama kasar dake sahun gaba a nahiyar Afirka wajen fitar da kifi da kayayyakin da suke da nasaba da kifaye zuwa ketare.

Ministan kiwon kifi da dabbobi na kasar Micheal Katambo wanda ya bayyana hakan, ya ce an samu wannan nasara ce sakamkon yadda aka kara zuba jari a bangaren kiwon kifin kasar.

Ministan ya ce, baya ga batun zuba jari da aka zuba a wannan bangare, ana kuma daukar wasu managartan matakai da nufin bunkasa kiwon kifi.

Yanzu haka dai gwamnatin Zambiar ta karbi rancen dala miliyan 50 daga bankin raya Afirka domin kara bunkasa sana'ar kiwon kifi. (Ibrahim)