A yau Talata ne, aka kaddamar da taron binciken sararin samaniya na duniya na shekarar 2017 a birnin Beijing, hedkwatar kasar Sin. Inda shugaban kasar Sin Xi Jinping ya mika sakon taya murna ga masu halartar taron.
A cewar shugaban, kasar Sin ta dora cikakken muhimmanci kan nazarin sararin samaniya, da kokarin kirkiro sabbin fasahohi a fannin zirga-zirgar sararin samaniya. A sabili da haka, kasar na son hadin kai tare da sauran kasashe don bincike da kuma amfani da sararin samaniya cikin lumana, ta yadda za a tabbatar da makoma mai kyau ga daukacin dan Adam.(Bello Wang)
