'Yan sandan Amurka sun bayyana cewa mutane 5 ne aka kashe a wajen aiki a lokacin da aka yi harbe harbe a Orlando, na jahar Florida.
Ofishin jami'an yankin ya wallafa a shafinsa na twitter cewa, mutane 4 sun mutu nan take a wajen aikinsu. Mutum guda kuma ya mutu ne a asibiti. Maharin shi ma ya harbe kansa. Wanda ake zargin dan shekaru 45 ne. ofishin ya ce an yi yunkurin dakile harin kafin faruwarsa.
An yi harbe harben ne a wani yanki mai yawan masana'antu da manyan shagunan tara kaya.(Ahmad Fagam)