Tun daga ranar 12 ga wannan wata ne sojoji a kasar Cote d'Ivoire, suka fara tarzoma, bayan sabanin da suka samu da tsagin gwamnati, bisa batun kyautata albashin su.

Sakamakon hakan an yi ta shiga halin damuwa a wurare daban daban a kasar, a halin yanzu kuma rahotanni na cewa rikicin ya tsananta. Sai dai duk da hakan, gwamnatin Cote d'Ivoire ta bayyana cewa, an riga an cimma sabuwar yarjejeniya da sojojin masu bore. (Zainab)