Kafofin watsa labaran kasar Kenya sun ruwaito cewa, sojojin kasar dake karkashin tawagar wanzar da zaman lafiya da kungiyar tarayyar Afirka ta tura zuwa kasar Somaliya, sun hallaka 'ya'yan kungiyar masu tsattsauran ra'ayi ta Al-Shabaab da dama a kudancin kasar Somaliya.

Wata sanarwa da mai magana da yawun rundunar sojin Kenya Kanar Joseph Owuoth ya fitar, ta ce sojojin kasar sun gano wata matattarar kungiyar Al-Shabaab a jihar Lower Jubba dake kudancin Somaliya, inda suka kai musu farmaki a ranar 21 ga wata, al'amarin da ya yi sanadin halaka yayan kungiyar 52, tare kuma da kwace makamai da harsasai masu tarin yawa.

Kanar Owuoth ya ce, ba za a dakatar da fatattakar mayakan kungiyar Al-Shabaab ba, har sai an murkushe kafataninsu.(Murtala Zhang)