Ministar Lafiya ta Rasha Veronika Skvortsova ta ce adadin mutanen da suka rasa rayukansu sanadiyyar harin da aka kai cikin wani jirgin kasan karskashin kasa a garin St. Petersburg na kasar, ya karu daga 11 zuwa 14.
An kai wa jirgin na karkashin kasa hari ne da misalin karfe 11:40 na ranar Jiya Litinin agogon GMT, lokacin da jirgin ke tafiya tsakanin wasu tashoshinsa biyu a birnin St. Petersburg wanda shi ne birni mafi girma na biyu a kasar.
Har yanzu dai ba a san musabbabi ko wanda ya kai harin ba. Amma jami'ai a kasar sun bayyana shi a matsayin harin ta'addanci. (Fa'iza Mustapha)