A jiya Lahadi, aka bayar da sanarwar inganta dunkulewar tattalin arzikin duniya bai daya a gun taron shekara-shekara na bana na dandalin tattaunawar harkokin Asiya na Boao, inda aka yi kira ga gwamnatoci da kamfanoni na kasashe daban daban da su tsaya kan budewar kasuwanni, don neman ci gaba da ya kunshe kowa da kowa, da hadin kan tattalin arziki, da nufin tabbatar da samun wadata da dauwamammen ci gaba tare.

Sanarwar ta nuna cewa, dunkulewar tattalin arzikin duniya bai daya zai samu ne sakamakon ci gaban kimiyya da fasaha. Wasu sabbin matsalolin da ake fuskanta a yanzu sun bullo ne ba domin dundulewar tattalin arziki ba ne, a maimakon haka domin tsarin gudanar da harkokin duniya da ake bi a yanzu haka bai dace da sauyawar tsarin tattalin arzikin duniyar ba. Saboda haka, dole ne a kyautata tsarin gudanar da harkokin duniya.

Baya ga haka, sanarwar ta nuna cewa, duk mambobin dandalin suna son karfafa hadin kai a fannin don taka rawarsu ta musamman wajen inganta dunkulewar tattalin arzikin duniya bai daya yadda ya kamata. (Bilkisu)