in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Babbar tashar kaya ta tudu ta Sin na sa ran samun karin motoci da take shiga da su kasar
2017-03-20 10:56:21 cri

Babbar tashar kaya ta tudu ta kasar Sin Alataw Pass, na sa ran samun karin motoci da ake shigar da su kasar a hade, da wajen 1, 000 a bana, wanda adadin ya dara na sauran tasoshin tudu na kasar.

Tashar da ta fara shigo da motoci a watan Satumba, ta shigar da hadaddun motoci 283, ciki har da 138 da aka shigar da su a cikin watanni biyu na farkon shekarar nan.

Motocin da suka hadar da kirar Land Rover, da Benz, da Toyota, da Lada sun fito ne daga kasashen Rasha, da Jamus, da hadaddiyar daular Larabawa.

Tashar na da kamfanonin dake shigar da motoci kasar guda 13, kuma sun fara shirin shigar da motoci da aka hada, tun a watan Satumban da ya gabata. Shirin dai, na ba da dama ga dillalai su saye motoci kai tsaye daga kasashen waje, inda masu saye kuma za su samu a kan farashi mai rahusa.

A farkon wannan wata ne jirgin kasa ya dauko da hadaddun motoci 120 daga Rasha, karon farko ke nan da aka shigar da motoci ta wannan hanya a tasoshi tudu na kasar. (Fa'iza Mustapha)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China