Hukumar kula da makamashin nukiliya ta duniya IAEA, ta kaddamar da taron kwamitin zartaswa karo na farko na bana jiya Litinin a birnin Vienna na kasar Austria, inda wakilai daga kasashe 35 suka hallara.

Babban darektan hukumar IAEA, Yukiya Amano, ya gabatar da rahoton aikinsa ga kwamitin zartaswar, inda ya maida hankali sosai kan tsaron makamashin nukiliya a fadin duniya.

Mista Yukiya Amano ya bayyana cewa, an yi shekaru kusan shida da aukuwar hadarin tashar samar da wutar lantarki bisa karfin makamashin nukiliya ta Fukushima Daiichi a kasar Japan, lamarin da ke kashedin cewa, ya zama dole a ci gaba da inganta tsaron makamashin nukiliyar a fadin duniya.

Taron IAEA da aka bude a wannan karo, zai kara nuna kwazo a fannonin da suka shafi batun makamashin nukiliya, da burbushin nukiliya, tare kuma da yin jigilar makamashin.(Murtala Zhang)