Majalisar dattawan Najeriya ta yi kashedin cewa,muddin gwamnatin tarayyar kasar ta gaza hanzarta daukar matakan da suka wajaba na magance matsalar da sashen jiragen kasar ke fuskanta,babu tantama Najeriyar za ta iya fuskantar haduran jiragen sama.(Vanguard)

Hukumar yaki da fasa-kwauri ta Najeriya ta sanar da korar wasu manyan jami'anta guda 29,ciki har da masu mukamin mukaddashin kwanturola 4 da mataimakin kwanturola 5. Wannan kora na zuwa ne kasa da mako guda, bayan da hukumar ta kori wasu kananan jami'ai 17.

Sauran wadanda korar ta shafa sun hada da manyan sifuritanda 7 da masu mukamin sifuritanda 4. Sai kuma wasu jami'ai 10 da aka yiwa ritaya daga aiki.(The Punch)