Kakakin ma'aikatar harkokin wajen kasar Sin Mr Lu Kanga ya bayyana a yayin taron manema labaru da aka saba shiryawa a yau 11 ga wata cewa, shirin kasar Amurka na jibge na'urorin kakkabo makamai masu linzami na Thaad a kasar Koriya ta kudu, ba zai taimakawa kokarin da ake na tabbatar da zaman lafiya a yankin Koriya ba, sai dai ma ya lalata babbar moriyar kasar Sin, har ma zai lalata halin daidato da ake ciki a yankin. Sakamakon haka, da babbar murya, kasar Sin ta nuna adawa da matakin da kasar Amurka ta dauka na jibge wadannan na'urori a kasar Koriya ta kudu. (Sanusi Chen)