Ma'aikatar bada ilmi ta kasar Sin ta bayyana a jiya cewa, gwamnati tana kokarin inganta dukkan makarantun dake yankunan inda al'ummomi suke fama da talauci, ta hanyar aiwatar da manufofin samar da tallafi a fannin bada ilmi,musamman ma a fannin tallafawa malamai da dalibai.

Yankunan da za su amfana da wadannan manufofin sun hada da jihar Xinjiang da ta Tibet da sauran yankunan kabilar Tibet dake larduna 4 a kasar.

Wadannan manufofi 20 sun hada da shirin bada ilmi a shekaru uku kafin a shiga makarantar firamare, kyautata sharudan makarantu a yankunan da ke fama da talauci, shirin kyautata abincin dalibai a makarantun kauyuka, samar da kudi ga daliban makarantun sakandare, taimakawa jihar Tibet da ta Xinjiang a fannin bada ilmi, shirin ganin dalibai sun shiga jami'o'i a yankunan da ke da talauci da dai sauransu. (Zainab)