Mataimakin ministan kula da harkokin ilmi na kasar Sin Hao Ping ya bayyana a gun babban taro mai taken "mai da samun ilmi a gaban kome na duniya" a cibiyar MDD dake birnin New York a ranar 24 ga wata cewa, gwamnatin kasar Sin ta goyi bayan a mai da aikin tabbatar da dukkan jama'a sun samun ilmi mai inganci cikin adalci a duk rayuwarsu nan da shekarar 2030 a matsayin muhimmin buri a cikin ajandar samun bunkasuwa bayan shekarar 2015.

Hao Ping ya bayyana cewa, don cimma wannan buri, kamata ya yi a ba da muhimmanci wajen bunkasa harkar ilmi cikin dogon lokaci, da samar da ilmi cikin adalci, da inganta karfin malamai masu bada ilmi, da kuma mai da aikin bunkasuwar dalibai a dukkan fannoni a matsayin muhimmin tushe na ba da ilmi.

Ban da wannan kuma, Hao Ping ya ce, kasar Sin za ta ci gaba da kokarin goyon baya ga kasashe masu tasowa, musamman ma kasashen Afirka wajen raya aikin ba da ilmi. (Zainab)