in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Za a iya amfani da tsarin BDS a dukkanin fadin duniya nan da shekarar 2020
2013-03-03 16:38:46 cri
Wani shahararren masanin ilimin zirga-zirgar kumbuna na kasar Sin, Mista Ye Peijian, ya furta a Ranar Lahadi 3 ga wata a nan birnin Beijing cewa, nan da shekarar 2020, za a iya amfani da tsarin aikin na'urar tauraron dan adam, ta lura da harkokin sufuri da ake wa lakabi da 'Beidou', ko kuma BDS a takaice, don gudanar da aikin sanya ido a ko wace kusurwar dake fadin duniyar nan.

A cewar Mista Ye, zuwa yanzu kasar Sin ta riga ta harba taurarin dan Adam na gwaji a karkashin tsarin na BDS guda 4, gami da taurarin BDS na tallafawa aikin sufuri guda 16, ta haka an kammala mataki na 2 na aikin gina tsarin BDS, wato kafa wata yanar taurarin dan Adam.

Mista Ye ya kara da cewa, a bisa shirin da aka tsara, zuwa shekarar 2020, za a kammala aikin gina tsarin BDS da ya kunshi taurarin dan Adam guda 35, wanda hakan zai iya tabbatar da wurin na'urorin sufuri suke, da ba da jagora ga jirage, gami da daidaita lokacin agogo.

Ya zuwa karshen shekarar 2011, an riga an kafa wani tsarin BDS na yanki, wanda ke samar da hidima ga kasar Sin, da yankunan dake kewayen kasar.(Bello Wang)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China