......Tun daga ran daya ga wannan wata ne aka soma yin kwaskwarimar gine-ginen cibiyar wasannin motsa jiki na Olympics na kasa na birnin Beijing domin wasannin motsa jiki na Olympics na shekarar 2008. Za a kammala wannan aiki ne a watan Agusta na shekara mai zuwa.

......A ran 31 ga watan jiya, a nan birnin Beijing, kwamitin kula da harkokin shirya taron wasannin motsa jiki na Olympics na Beijig ya shelanta, cewa tun daga wannan rana ne aka soma karbar kalaman kirari na masu aikin sa kai daga duk duniya domin taron wasannin motsa jiki na Olympics na shekarar 2008 da za a yi a nan Beijing. An jaddada, cewa ya kamata kalaman kirari su hada da hasashen cewa ' a mai da aikin hidima da shimfida zaman jituwa a gaban komai'. An kuma bayyana, cewa duk wadanda suke son rubuta kalaman kirari, za su iya gabatar da bayanansu ta gidan waya ko hanyar internet ; kuma za a iya samun takamaiman labarai game da wannan lamari a kan shafin internet ta kwamitin shirya taron wasannin motsa jiki na Olympics na Beijing. Adireshin shafin, shi ne www.beijing 2008.com ;

......A ran 31 ga watan jiya, an yi wani gagarumin bikin kunne wutar yula na babban taron wasannin motsa jiki na 3 na duk kasar Sin a birnin Suzhou dake gabashin kasar, wanda kuma za a gudanar da shi daga ran 20 zuwa ran 30 ga watan gobe a birnin Suzhou. Ana sa ran akwai ' yan wasa kimanin 6,000 da za su halarci taron wasannin.

..... An kawo karshen gasar cin kofin duniya ta wasan mata na tseren gajeren zango a kan kankara tare da sa takalma dake daure da karfe a ran 2 ga watan nan a birnin Minneapolis na kasar Amurka. Kungiyar kasar Sin ta samu lambobin zinariya guda biyu. ' Yar wasa mai suna Wang Mong ta zama lambawan a gun gasar tseren mita 500 kan kankara ; kuma kungiyar mata ta samu lambar zinariya a gun irin wannan wasa na yada kanin wani.( Sani Wang )